श्रममन्त्रीया राजीनामा,कार्यभार पर्यटन मन्त्रीयात

बैदेशिक रोजगारी कम्पनी दर्तायायेगु खँय् घुस फ्वंगु खँय् विवादय् लाःम्ह श्रममन्त्री कुमार बेल्वासें थःगु पदं राजीनामा बियादीगु दु । नेकपा मालेपाखें श्रममन्त्री जुयादीम्ह कुमार बेल्वासेया राजीनामा प्रधानमन्त्री बाबुराम भट्टराईं स्वीकृत यानादीगु ख: ।

नेपालया अन्तरिम संविधान, २०६३ या धारा ३८ या उपधारा (८) या खण्ड (क) कथं श्रममन्त्री बेल्वासें थःगु मन्त्री पदं राजानामा बियादीगु खः । वय्कलं कःघानातःगु श्रम तथा रोजगार मन्त्रालयया कार्यभार संस्कृति, पर्यटन व नागरिक उड्डयन मन्त्री पोष्टबहादुर बोगटीं कःघाइकथं तोकेयानाब्यूगु प्रधानमन्त्री व मन्त्रीपरिषद् ज्याकुथिं आइतवाः न्ह्यथंगु दु ।