किपुलिइ यातायात दुर्घटनाय् निम्ह मन्त, छम्ह घाःपाः

किपू-येँ चलेजुइगु हाइसं नक्कुबलय् बुधवाः सुथय् निम्ह मनू सीगु दुसा छम्ह घाःपाः जूगु दु ।

सुथय् करीव ४:३० ताःइलय् द्यःध्वाखां अमल्सिइ क्यू च्वनेत वःगु हाइसं किपू -५ खासी बजारय थ्यंबलय् मर्निङ्ग वाक वनेत च्वनाच्वंम्ह मच्छिन्द्र महर्जन, प्रकाश महर्जन 'चाइनिज' व देवानन्द शाहीयात नक्कुगु खः । स्वम्हेसितं बल्खुइच्वंगु स्टार हस्पिटलय् यंकूग खः । मच्छिद्र महर्जन व प्रकाश महर्जन 'चाइनिज' घटनास्थलय् तुं मदुगु खःसा देवानन्द शाहीया वासः जुयाच्वंगु दु ।

बा २ ख १८९२ नं.या हाइस, कन्डक्टरं ज्वनाःवःगु प्रत्यक्षदर्शीपिंसं धाःगु दु । हाइस नापं थुवाः राजभाई महर्जनयात अनुसन्धानयालागिं प्रहरी ज्वनेधुंकूगु दु । गाडी चलेयाःम्ह कन्डक्टर धाःसा फरार जूगु धाःगु दु ।