बेपत्ता छेँजःपाखें बस्नेतया बढुवाया निर्णय लितकायेत माग
एकीकृत नेकपा (माओवादी)या भातृ संगठन बेपत्ता योद्धा परिवार समाजं मानवअधिकार उल्लंघनया घटनाय् संलग्न राजु बस्नेतया बढुवा लितकायेत माग याःगु दु ।
समाजया अधयक्ष पुजा खनालं छगू विज्ञप्ति पिथना असोज १८ गतेया मन्त्रिपरिषद्या मुँज्यां याःगु निर्णय प्रति आपत्ति प्वंकूसें उगु निर्णय तत्काल लितकायेत माग याःगु दु । यदि उगु निर्णय लितकायेगु ज्या मजूसा कडा संघर्षया ज्याझ्वः घोषणा यानाः सरकार विरुद्ध सतकय् कुहांवयेगु ख्याच्वः नं बिउगु दु ।
नापं थःगु हे पार्टीया उपाध्यक्षया नेतृत्वय् दुगु सरकारं याःगु उगु निर्णय प्रति पार्टीया आधिकारीक धारणा पितबिइत नं माग याःगु दु । अथेहे राज्यपाखें बेपत्ता यानातःपिं नागरिकतय् स्थिति सार्वजनिक यायेत व बेपत्ता याःपिं अपराधीतय्त कारवाही यायेत नं माग याःगु दु ।
