मोहनी व स्वन्तियालागि सुपथ मूल्य पसः

मोहनी व स्वन्ति नख: न्ह्य:ने व:लिसे येँय् थीथी थासय् मंगलवाःनिसें सुपथ मूल्य पसः चायेकूगु दु ।

नेपाल सरकारया स्वमित्वय् दुगु साल्ट ट्रेडिङ्ग कर्पोरेशन, नेसनल ट्रेडिङ्ग लिमिटेड, दुग्ध विकास संस्थान व खाद्य संस्थानया मंकाः कथं नखःया न्ह्यःने थथे उपभोग्य ज्वलंया सुपथ पसः चायेकूगु खः ।

येँया कालीमाटी, कोटेश्वर, थापाथली, टेकू, पूच्व, रामशाहपथ व ख्वपय् थथे पसः चायेकूगु खः । उगु पसलय् न्हियान्हिथं माःगु ज्वलंत चि, चिकं, चिनी, जाकि, केँ लिसें मजिमगाःगु ज्वलंत दइगु धाःगु दु ।

थुगु पसः न्ह्याकेया लागि नेसनल ट्रेडिङ्ग लिमिटेडया निमित्त बिक्री प्रबन्धक गोपाल घिमिरेया कजिसुइ प्यम्ह दुज: दुगु सुपथ मूल्य पसः व्यवस्थापन समिति समेत दयेकूगु खः ।