पोखराय् विमानस्थल दयेकेया लागि सिंहदरवार घेराउ

पोखराय् क्षेत्रिय अन्तर्राष्ट्रिय विमान स्थल दयेकेमाःगु माग यासें न्ह्यानाच्वंगु आन्दोलनं मंगलवार देय्या प्रमुख प्रशासन भवन सिंहदरवार घेरे याइगु जूगु दु ।

ताःइलंनिसें न्ह्याकाच्वंगु आन्दोलनया न्ह्यलुवापिं मंगलवार बस, मोटरसाइकल, कार आदि याना करीव न्यासः सवारीसाधनलिसें सुथय् पोखरां येँय् वःगु दु । 'पोखराय् क्षेत्रिय अन्तर्राष्ट्रिय विमानस्थल दयेकेत येँय् वनेनु' धइगु नारालिसें पोखरेलित येँय् वःगु खः । 'सवारी साधनं सिंहदरवार घेरे यायेगु जुइ' आन्दोलनया कजि कृष्णमोहन श्रेष्ठं जानकारी वियादिल ।

थथे सवारी साधनलिसें आन्दोलनकारीत येँय् वःसां पोखराय् न्ह्यानाच्वंगु रिले अनसन धाःसा जारी हे जुयाच्वंगु नं वय्कलं जानकारी बियादिल ।

किपा: अनलाइनखबर डटकम