सिता एयरया विमान दुर्घटना १९ म्ह मन्त
सिता एयरया डोर्नियर विमान त्रिभुवन विमानस्थल लिक्क मनोहरा खुशीसिथय् शुक्रवाः सथय् दुर्घटना जूगु दु । दुर्घटनाय् लाना चालक दलया स्वम्ह सहित यात्राय् दुपिं १९ म्हं मन्त । सुथय ६:१५ ताः इलय् लुक्लाया लागि ब्वःगु उगु विमानय् समस्या वःगुलिं त्रिभुवन विमानस्थलय् आपतकालिन अवतरण यायेगु झ्वलय् ६:१९ ताः इलय् दुर्घटना जूगु खः । विमान ब्वःगु १ मिनेत ४५ सेकेण्डय् हे विमानय् खराव जूगु तायेकूगु धाःगु खः ।
मनोहरा खुशी लिक्क च्वंगु सुकुम्बासी बस्तीलिक्क खालीगु थासय् विमान सकुशल अवतरण याःगु खःसाः विमान दुने च्याःगु मिंयाना १६ म्ह यात्रु व चालक दलया स्वम्ह सहित सकलें हे मदुगु खः । सीपिनिगु सनाखत यायेमफुनिगु धाःगु दु ।
क्याप्टेन विजय तण्डुकारलिसें सहचालक टि.थापा व एयर होस्टेज रोजा शाक्य खःसा अप्वःथें यात्रुत इटालियन धाःगु दु । दुर्घटना जुइसाथ नेपाली सेना, प्रहरी घटनाजूगु थासय् थ्यंकूगु खःसा विमानय् च्यानाच्वंगु मिं स्यायेत जक सेना व प्रहरीतयत करीव ४० मिनेत माःगु खःसा विमानया अप्वः ब्व च्याःगु खः ।
