नेवाः देय् दबूया तःमुँज्या स्थगित

शनिवाः प्रधानमन्त्री बाबुराम भट्टराईं उलेज्या यानादीगु नेवाः देय् दबूया खुक्वःगु तःमुँज्या अनिश्चितकालया लागि स्थगित जूगु दु ।

तःमूँज्याया उलेज्या सिधयेवं हे छलफल यायेगु कथं क्वःछिनातःगु विधान पारित यायेगु ज्या स्थगित जुजुं तःमुँज्याया लिपांगु न्हि सोमवाः सुथय् तिनि संशोधनसहित पारित याःगु खः । वयांलिपा महासचिवया प्रतिवेदन व आर्थिक प्रतिवेदन पारित जूगु खः ।

तःमुँज्याया लिपांगु ब्व न्हूगु नेतृत्व ल्ययेगु ज्याया पाः वःवलय् निथ्वः गुट प्रष्ट रुपं खनेदत । तःमुँज्या जुइ न्ह्यः हे न्हूगु नेतृत्वया लागि नायः पदया लागि प्रत्यासी जुया च्वनादीम्ह आःयाम्ह हे नायः भाजु नरेश ताम्राकार व मेम्ह प्रत्यासि पुलांम्ह मूछ्याञ्जे पवित्र वज्राचार्य खः । थ्व नथ्वःसिनं थःथःगु कथं न्हूगु नेतृत्व ल्ययेगु ज्या यायेमाःगु खँ तःगु खः । नरेश ताम्राकार पक्षं नकतिनि पारित जूगु विधानय् च्वनाः ज्या यायेमाःगु धयाच्वंगु खःसा पवित्र बज्राचार्य पक्षं पुलांगु विधान कथं ज्या न्ह्याकेमाःगु खँ तयाच्वंगु खः । थुकिं याना ज्याझ्वः न्ह्याके मफुगुलिं प्रतिनिधि जुयावःफिं सकले अथें च्वनेमाःगु खः ।

लिपांगु इलय् आःयाम्ह नायः भाजु नरेश ताम्राकारं न्हूगु नेतृत्वया लागि चुनाव यायेत अध्यक्ष मण्डलया नां काःगु इलय् ज्याझ्वः न्ह्याके मब्यूसे हलय् पंगः थनाबिल । वयां लिपा ज्याझ्वः न्ह्याके मफयेवं नायः नरेश ताम्राकारं मेगु सुचं जारी मजूतलेया लािगं स्थगित जूगु घोषणा यानादिल । मेखे मेम्ह प्रत्यासी उम्मेदवार पवित्र वज्राचार्यं थुकियात असक्षम नेतृत्वं याना ज्याझ्वः न्ह्याके मफुगु हुनिं सकलसिनं ई सितिकं छ्वयेमाःगु दुःखया खँ धयादिसें आपत्ति समेत प्वंकादिल ।

तःमुँज्याय् खनेदुगु पुलुपालु/हुइना भुइना
- हल हे चीकु गथेयाना व्यवस्थापन याःगु जुइ ।
- च्यासः प्रतिनिधि धाःगु िझंप्यसः प्रतिनिधि वल का
- चःबि हे मदुथाय् तःमुँज्या सःतल जिपि गन वनेगु
- जिपिं गन द्यनेगु च्वनेगु द्यनेगु समस्या जुल
- जा नकलं थजाःगु प्रतिनिधि ल्हापं द्वःछि काल थथे यायेगु ला?
- जि बजि नयाबलय् ला प्यंग जक बरं वल का
- लुमन्ति पतिइ लक्ष्मण सरया किपा तयेमाःथाय् दरवारया किपा तया छु याःगु थ्व?
- नेवाः मुद्दाया जुलुसय् गनं गन थन तःमुँज्याय् वया नेता जू वल का
- स्वनिगःया नेवाःतय्सं स्वनिगलं पिनेया नेवाःतय्त हेपे यात
- माकः दुगु थासय् हयाः सकलें हे माकलं थें हे व्यवहार यात
- का वा पासापिं आः थन ज्याझ्वः न्ह्याइमखुत माकः ख्याः वने वा
- का थ्व नं उम्मेदवार न्हि भोट छकू … चुनावया छुं हे संकेत मदुनिबलय् हे
- महासचिवं थःगु प्रतिवेदन ब्वनांच्वंबलय् स्टेजया क्वसं च्वनाः ल्हाः ब्वयेकु ब्वयेकुं फोटो सेसन यानाच्वंगु
- का पासापिं झीपिं यक्व हे धैर्य यायेधुन निखलंसितं छथाय् तया कुना बिइमाल ।
- ए क्वःगु जा नयेमाःसा थन झासँ न्हि
- की दाःगु लखय् थूगु जा झारा जूसा जिमित सुनां स्वइ …