येँयाःयात कयाः सहलह

येँयाः समारोह समिति ११३२ या ग्वसालय् म्हिगः येँ महानगरपालिकाया बोर्ड हलय् येँयाःयात कयाः बृहत सहलह ज्याझ्वः जुल । मिसा नेतृ हिसिला यमिया मूपाहाँसुइ जूगु उगु ज्याझ्वलय् येँ महानगरपालिकाया कार्यकारी अधिकृत केदार बहादुर अधिकारी पाहाँ कथं झायादीगु खः ।

ज्याझ्वलय् येँ जिल्लाया सीडीओ चुडामणि शर्मा यैँ महानगरीय प्रहरी परिसरया एसएसपी जयबहादुर चन्द डिएसपी धिरजप्रताप िसंह जनसेवा प्रहरी प्रभागया इन्स्पेक्टर हेम थापा महानगरीय ट्राफिक प्रहरीया प्रमुख सानुकाजी थापापिसं येँयाःया निितं आवश्यक सुरक्षा व्यवस्थाया तयारीयात कयाः थःगु खँ तयादीगु खः ।
अथेहे गुथि संस्थानया केन्द्रीय प्रशासक हेमराज सुवेदी संस्थानया काठमाडौं शाखाया प्रमुख जयप्रसाद रेग्मी संस्कृति मन्त्रालयया उपसचिव जयराम श्रेष्ठपिसं येँयाःया निितं सरकारी स्तरपाखें जुयाःच्वंगु तयारीया जानकारी बियादीगु खः ।

नेपाल विद्यूत प्राधिकरणया वरिष्ठ ईाजनियर सानुबाबु थापां येँयाःया निितं द्यः सालीबलय् प्राधिकरणयात तार चायेगुलिसें जात्रा जुइगु लागाय् लोडसेडिङ मयायेगु निितं प्रकि्रया न्ह्याकेगु जानकारी बियादिल ।

येँ महानगरपालिकाया कार्यकारी अधिकृत केदार बहादुर अधिकारीं येँ महानगरपालिका येँयाः जात्रा झःझः धायेक हनेत महानगरपालिकापाखें दुगु स्रोत साधन परिचालन यायेगु जानकारी बियादीगु खः । मिसा नेतृ हिसिला यमिं न्हूगु संविधान पहिचानसहितया संघीयता माः धइगु माग यानाच्वंगु इलय् थुकथं येँयाः जात्राया महत्वयात कयाः समारोह समिति गठन यानाः ज्या याःगुलिं सुभाय् देछासें येँयाः येँया सांस्कृतिक पहिचान जूगु विचाः प्वंकादिल ।

येँयाः समारोह समिति ११३२ या संयोजक सुजीव बज्रचार्यं संबोधन यानाः न्ह्याकूगु उगु ज्याझ्वलय् समारोह समितिया दुजःपिं येँ महानगर पालिकाया कर्मचारीपिं इन्द्रजात्रा व्यवस्थापन समितिया संरक्षक ई। मोहनकृष्ण डंगाल नायः गौतम शाक्य सचिव बाबुराजा महर्जन उपस्थित जुयादीगु खः ।

ज्याझ्वलय् संयोजक बज्राचार्यं येँयाः सकतां कथंया तयारीया नितिं येँयाः सरोकारवाला पक्षत च्वनाः सहलह यायेत ज्याझ्वः यानागु जानकारी बियादीगु खःसा समारोह समिति निस्वनातःगु स्वयम्सेवक सुरषा समिति रथ निर्माण अनुगमन समिति रेडक्रस व्यवस्थापन समिति सांस्कृतिक बाजा व्यवस्थापन समितिया संयोजकतय्गु पाखें नं थःथःगु तयारीयात कयाः जानकारी बियादीगु खः ।