वा वया: छें दुन

निरन्तर वयाच्वंगु वां याना किपूया पश्चिमपाखें च्वंगु तिनथाना गा.वि.स. वडा नं. ५ य् लाःगु मुलखुशी लिक्क च्वंगु छखा छेँ मंगलवार थःगु थासं ५० मिटर ति क्वय् दुनांवंगु दु । मुलखुशी स्वयां करीव ५०० मिटर ति न्ह्यःने च्वंगु नितँजाःगु उगु पक्कीछेँ सुनिल कुमार यादवया खः ।

छेँ दुनंवंगु इलय् द्यनाच्वंपिं मनूत भुखाय् ब्वल धका ग्यासें पिल्लर ज्वं वंगु स्थानिय शिवराम राउटं जानकारी बियादिल । उगु छेँ गुला,झिला ति न्ह्यःतिनि दयेके सिधयेकूगु खःसा दुनावंगु इलय् निम्ह मनूत जक छेँय् दुगु धाःगु दु । छेँ जःखः खतरापूर्ण जूगु व चलः वनीगु खतरा ब्वलना च्वंगु प्रत्यक्षदर्शीपिंसं धाःगु दु ।

किपाः ज्ञानबहादुर महर्जन 'नेवाः'