मन्त्री जोशीं राजिनामा बिल

थःगु पार्टीया केन्द्रीय सचिवालयं वर्तमान सरकारं लित सःतेगु निर्णय यायेसातकि नेकपा संयुक्तया नायः भूमिसुधार मन्त्री चन्द्रदेव जोशीं थःगु पदं राजिनामा बियादीगु दु ।

राजनीतिक निकासया लागि सहज वातावरण दयेकेया लागिं धकाः मन्त्री जोशीं थःगु राजिनामा मंगलवाः प्रधानमन्त्री डा.बाबुरामा भट्टराईयात लःल्हानादीगु खः । सहमतिया लागिं सरकारय् वनागु तर प्रधामन्त्रीं छुं नं पहल मयाःसे अध्यादेशपाखें मुलुक न्ह्याकेत्यंगु धासें पार्टीं थथे निर्णय याःगु धाःगु दु ।