नवनियुक्त महानिरीक्षक रानायात दर्ज्यानी चिं लःल्हात

नेपाल प्रहरीया नवनियुक्त महानिरीक्षक कुवेरसिंह रानायात गृह छ्याञ्जे नविन घिमिरें दज्र्यानी चिं लःल्हानादीगु दु । गृहमन्त्रालय थौं जूगु ज्याझ्वलय् गृहछ्याञ्जे घिमिरें प्रहरी महानिरीक्षक रानायात दज्र्यानी चिं लःल्हानादीगु खः ।

दज्र्यानी चिं लःल्हानादिसें गृहछ्याञ्जे घिमिरें शान्ति सुरक्षा कायम यायेगु दायित्व पूवंकेत छुं कथंया कसर मल्यंकेत रानायात निर्देशन बियादिल। वय्कलं नेपाल प्रहरीइ ब्वलनाच्वंगु गलत प्रवृत्तिया अन्त्य व अनुशासनया पद्धति स्थापित याना संगठनयात व्यावसायिक व मर्यादित दयेकेत मन्त्रालयं फक्वः ग्वाहालि यायेगु प्रतिबद्धता प्वंकादिल ।
ज्याझ्वलय् नवनियुक्त महानिरीक्षक रानां शान्ति सुरक्षा नागरिकया अधिकार जूगु धयादिसें थुकिया रक्षाया नितिं छुं कथंया सम्झौता मयायेगु प्रतिबद्धता प्वंकादिल । वय्कलं भ्रष्टाचारविरुद्ध शुन्य सहनशिलताया नीतियात शसक्त दयेका यंकगु तकं प्रतिबद्धता प्वंकादिल ।

दज्र्यानी चिं लःल्हाना कयादीधंकाः महानिरीक्षक रानां प्रहरी प्रधान ज्याकू थ्यंकाः थःगु भाला कःघानादीगु खः । राना नेपाल प्रहरीया नीस्वम्हम्ह महानिरीÔक जुयादीगु खः । बिहीवाः च्वंगु मन्त्रिपरिषद्या मुंज्यां रानायात प्रहरी प्रमुखय् नियुक्त याःगु खः ।

News Location:

Related Stories

नेपाल प्रहरीया २३ म्ह महानिरिक्षकय् कुवेरसिंह राना नियुक्त