एकिकृत नेकपा माओवादीयात आतंककारीया धलखं चीकल
अमेरिकां एकिकृत माओवादीयात आतंकारीया धलखं चीकूगु दु । विदेश मन्त्रालयं छगू विज्ञप्तिपाखें थ्व खँया जानकारी ब्यूगु खः । लिपांगु इलय् नेपाःया गठबन्धन सरकारया भाला कयाच्वंगु निसें शान्ति व पुननिर्माण प्रकि्रयाय् विश्वास यायेफयेक प्रतिबद्धता प्वंकुगुधासें अमेरिकी नागरिक व अमेरिकी बिदेश नितियात खतरा जुइकथं छुं नं आतंककारी गतिविधि मयाःगु न्ह्यथनातःगु दु ।
च्यादँ न्ह्यः द्वन्दकालय् दुतावासया थः निम्ह कर्मचारीतय्गु हत्या यायेवं अमेरिकां सन्२००४ निसें इमिग्रेसन एण्ड नेसनालिटी एक्ट आइएनए कथं माओवादीयात आतंककारीया धलखय् व एक्जुकेटिभ अर्डर १३२२४ कथं विश्व आतंककारीया धलखय् तयातःगु खः ।
थुगु क्वःछिनाकथं आः अमेरिकां माओवादी संगठन व उकिया नेतातय्गु सम्पतिइ तयातःगु प्रतिबन्द नं स्वतः चिलावंगु दु । अमेरिकी संस्थातय्सं नं माओवादी पार्टीनाप स्वापुतयेफइगु धा:गु दु ।
आतंककारीया धलखं चीकूगुया मतलब न्हापाया हिंसात्मक घटनायात ल्वंमकेगु वा वास्ता मयायेगु जुइमखु धासें आः वइगु दिनय शान्ति व प्रजातान्त्रिक राजनीतिक खँल्हाबँल्हायात न्ह्याकायंकेगु विज्ञप्तिइ न्ह्यथनातःगु दु ।
थःगु पार्टीयात आतंककारीया धलखं चीकूगुयात लसकुसयासें पार्टी न्वकू व उपप्रधानमन्त्री नाराययाकाजी श्रेष्ठ धयादिल न्हापा हे चीकेमाःगु खः । आःवयासां बांलाःगु ज्या यानादिल ।
