झापाय् नेवाः पुजाविधि व कर्मकाण्ड प्रशिक्षण

नेवाःतय्गु पुजा विधि व कर्मकाण्डबारे दुग्यंक सीकेगु व व्यवहारय् नं छ्यलेगु कथं झापाय् प्रशिक्षण हे न्ह्याकूगु दु । नेवाः देय् दबू झापाया ग्वसालय् जूगु थुगु प्रशिक्षण ज्याझ्वः ग्वसाः खलःया नायः भाजु कृष्ण उदासंजुं उलेज्या यानादीगु खः ।

शनिवा निसें न्ह्याःगु थुगु प्रशिक्षणय् झापाया थीथी थासय् च्वंपिं ४० म्हेसिनं ब्वतिकयाच्वंगु दु । प्रशिक्षकद्वय संजय राजोपाध्याय व विजय राजोपाध्याय निम्हसिनं प्रशिक्षण बियादीगु थुगु ज्याझ्वः स्वन्हुतक न्ह्याइगु ग्वसा:खलकं नेपालमण्डल डटकमयात जानकारी बियादीगु दु ।