छत्रपाटी चिकित्सालयया शिविर
यें (सन्ध्या टाइम्स) / छत्रपाटी निःशुल्क चिकित्सालयपाखें वंगु जेठ २३ गते शनिवाः कुन्हु च्याक्वःगु निःशुल्क स्वास्थ्य शिविर जितपुरफेदी गाविसया श्री कालिकाशरण प्राथमिक विद्यादय यात ।
चिकित्सालयया अध्यक्ष विजयबहादुर मालीया नेतृत्वय् न्ह्याःगु उगु शिविरय् २४ म्ह चिकित्सक व ३० म्ह स्वास्थ्य सहायकतय्सं ग्वाहालि यानादीगु खः ।
उगु शिविरय् खुसःम्ह विरामीतय्त वासः याःगु खःसा छगू लाख नीद्वः तकाया वासः नं सितिकं इना बिउगु खः ।
उगु स्वास्थ्य शिविरय् विरामीपाखें चन्दा कथं वःगु ४२९५ तका दां नं चिकित्सालयया अध्यक्ष मालीं विद्यालय व्यवस्थापन समितिया अध्यक्षयात लःल्हानादीगु खः ।
