बाखं दबूया ७ गूगु ल्याः पिदन
बाखं दबूया ग्वसालय् मंगलवाः जूगु छगू ज्याझ्वःया दथुइ "बाखं दबू" पत्रिकाया ७ गू ल्याः पितब्वज्या जुल ।
सिद्धार्थ बनस्थली स्कूलया सभाकक्षय् दबूया नायः लक्ष्मण राजबंशीया सभाध्यक्षताय् जूगु उगु ज्याझ्वलय् उपस्थित जुयादीिपं स्वीम्ह बाखंच्वमिपिन्सं छक्वलं मकाः कथं उगु पौ पितब्वज्या याःगु खः ।
पितब्वज्या लिपा बाखंच्वमििपं गणेशराम लाछि, सरस्वती तुलाधर, मथुरा साय्मि, तिलक प्रकाश कायस्थ, रेणु श्रेष्ठ, लक्ष्मण राजवंशी व वद्री बेदनापिन्सं थःथःगु बाखं ब्वनाः न्यंकादीगु खः ।
ज्याझ्वलय् ब्वंगु बाखंयात कयाः प्रा. नर्मदेश्वर प्रधान, राजा शाक्य, स्नेह साय्मि, भगतदास श्रेष्ठ, चैतन्य प्रधान, भक्तबहादुर शाक्यपिन्सं अन्तरकि्रया यानादीगु खः ।
नेपालभाषाया बाखं मेमेगु भाषाया साहित्यलिसें लनास्वयेत अंग्रेजी नापं खसभासं अनुवाद यानाः पिथनेमाःगु बिचाः प्वंकूगु खः । थौं पितब्वज्या जूगु "बाखं दबू" पतिइ ५७ पु बाखं दुथ्यानाच्वंगु दु ।
