मिस लिटिल नेवाः २०१२ या ताज सुस्मिता प्रजापतिया छ्यने
मिस लिटिल नेवाः २०१२ या ताज येँया नयाँबजाय् च्वयादीम्ह मय्जु सुस्मिता प्रजापतिं त्याकुगु दु । स्वीन्याम्ह मय्जुपिन्त ल्यूने लाका मय्जु प्रजापतिं थुगु दँया ताज थःगु छ्यने तयेत ताःलाःगु खः । नापं बैक अफ काठमाडौं पाखें झिद्वः तका नापं गिफ्ट ह्याम्पर नं त्याकूगु दु । अथेहे लाजिम्पाटया लुमना महर्जन फस्ट रनरअपया ताज नापं न्हय्द्वः तका व गिफ्ट ह्याम्पर अथेहे अनिषा खड्गीं सेकेण्ड रनरअपया ताज नापं न्याद्वः तका व गिफ्ट ह्याम्पर त्याकेत ताःलात ।
अथेहे मिस ट्यालेन्टया ताज श्रृति महर्जनं त्याकल ।
नेप्लीज फेशन होमया ग्वासलय् न्ह्यक्वःगु खुसिइ जूगु मिस लिटिल नेवाः २०१२ य् वेष्ट पिक्चर प्रफाइल रस्तिका शाक्य, वेष्ट प्रफोमर प्रिन्सा शाक्य, वेष्ट डिसिप्लिन मेघना तुलाधर, वेष्ट नेपालभाषा निभिदिता तुलाधर, वेष्ट फ्रन्डसिप श्रृष्टिना महर्जन, वेष्ट हेयर सेभिना बलामि, वेष्ट चारमिङ युनिसा महर्जन, वेष्ट स्कीन तिसा शाक्य, वेष्ट पर्सनालिटि श्रीना मल्ल, वेष्ट एटियर इभा महर्जनं त्याकूगु दु ।
News Location:
