बुद्ध बिहार संचालनया जिम्मा देय् दबूया गां समितियात
सुनसरीया बराहक्षेत्रय् दुगु ४२दँ पुलांगु ज्योति बुद्ध बिहार ताः ई निसें संचालन जुइ मफयाच्वंगुलिं उकीया संचालन यायेगु जिम्मा नेवाः देय् दबू सुनसरी बरहा गां कार्यसमितियात बिउगु दु । बिहारया संचालक समितिया नायः मान बज्राचार्यया नायःसुई शनिवाः बराहलय् जूगु ज्याझ्वःया दथुइ बिहारया संरक्षण व सक्रिय संचालनया भालाः देय् दबूया गां कार्यसमितियात बिउगु खः । उगु ज्याझ्वलय् नेवाः देय् दबूया केन्द्रीय दुजः पूर्णकृष्ण श्रेष्ठ, सुनसरी जिल्ला समितिया छ्याञ्जे तीर्थ मास्कें पाहाँ कथं ब्वति कयादिइगु खः ।
