पत्रकार दबू ख्वप कचाय् के. के. मानन्धर नायः
के.के. मानन्धरयात नायः ल्यसें नेवाः पत्रकार राष्ट्रिय दबूया ख्वप जिल्ला कचाया न्हापांगु अधिवेशन क्वचाल । थुगु अधिवेशनपाखें न्वकू पदय् दिपक श्रेष्ठ व कृष्ण प्रजापति, छ्याञ्जेय् सिमान्त शिल्पकार, ल्यू छ्याञ्जेय् रिता सुलु व दांभरीइ सुमन श्रेष्ठ ल्यःगु दु ।
अथेहे दुजलय् राजाराम नापित, प्रतिमा सैँजु, विनोद कोजु, रमिता क्वाय्नांबासु, सुन्दर शिल्पकार ल्यज्या जूगु खः । अथेहे पदेन दुजः कथं नारायण सुन्दर किलम्बु च्वनादीगु दुसा बाबुकाजी साछेँ, कृष्ण किसि, सुरेश सैँजुयात सल्लाहकार कथं ल्यःगु दु ।
ख्वप जिल्लाया प्रमुख जिल्ला अधिकारी जितेन्द्रबहादुर भण्डारीं उलेज्या यानादीगु अधिवेशनय् नेपालभाषाया न्ह्यलुवाः नरेन्द्रभक्त हाडा विशिष्ट पाहाँ कथं झायादीगु खः । अथेहे नेवाः पत्रकार राष्ट्रिय पत्रकार दबूया केन्द्रीय नायः श्रीकृष्ण महर्जन, नेपाल पत्रकार महासंघ ख्वप शाखाया नायः नारायण सुन्दर किलम्बु व बाबुकाजी साछेँ पाहाँकथं झायादीगु खः ।
न्हापांगु जिल्ला अधिवेशन तयारी समितिया कजि कृष्ण किसिया सभापतित्वय् जूगु थुगु ज्याझवः सिमान्त शिल्पकारं न्ह्याकादीगु खःसा प्रतिमा सैजुँ लसकुस यानादीगु खः ।
