नेवाः देय् दबूया खुक्वःगु तःमुँज्या
नेवाः तय्गु राष्ट्रिय संगठन नेवाः देय् दबूया खुक्वःगु तःमुँज्या नापं १८ क्वःगु बुदिं येँ स्थित आन्नद कुटीइ याइगु जूगु दु । ने.स ११३२ गुंगाथ्व दुतिया कुन्हु च्वगु केन्द्रीय समितिया मुँज्याया निर्णय कथं थ्वहे वइगु ने.सं ११३२ यंयाथ्व सप्तमी, अष्टमी व नवमी (२०६९ असोज ६,७, व गते) कुन्हु अन्नकुटीइ देय दबूया खुक्वःगु तःमुज्या तःजिक यायेत्यंगु खः ।
देय् दबूलिइ दुजः जुयाच्वंगु नेवाःतय्गु खलः पुचः नविकरण यायेमाःपिंसं नविकारण यायेत नापं न्हू दुजः कथं दुथ्यकेगु निंतिं दर्ता यायेत खलः पुचःयात इनाप याःगु दु । देय् दबूया नायः नरेश ताम्रकारं धयादी कथं खुक्वःगु तःमुज्याया निंतिं अन्तिम तयारी जुयाच्वंगु दु । सप्तमी कुन्हु उद्घाटन समारोह यानाः अष्टमी व नवमी कुन्हु बन्द शत्र नापं नवमी कुन्हु न्हूगु नेतृत्व तकं ल्यइगु ज्या जुइ धाःगु दु ।
थुगुसीया देय् दबूया तःमुँज्याया झ्वलय् तुं नेपालभाषा ख्यःया दकलय् तःधंगु सिरपाः कथं पलिस्था जूगु छगू लख तकाया 'नारायणदेवी-तीर्थनारायण सिरपाः' नं लः ल्हाइगु खँ नरेश ताम्राकारं कनादिल । भाषा ख्यलय् सक्रिय व्यक्ति वा पुचः व नेवाः उद्यमि यानाः निम्हेसित थ्व सिरपाः बीइ ।
