झी पुचः तेह्रथुमया संस्थापक नायः भगवानमान श्रेष्ठ सम्मानित
नेपाल आदिवासी जनजाति महासंघ तेह्रथुमय् च्वंगु थीथी खुगु जाति समुदायया हनेबहःपिं व्यक्तिपिंत सम्मान याःगु दु । उगु जिल्लाय् थःगु जाति समुदायया म्हसिका, भाय्, सस्कृति रिति थिति प्रबर्धन यायेगु ज्याय् विशिष्ट हःपा तिव बिइयादीपिंत सम्मान याःगु खः । थ्वहे सम्मानया झ्वलय् नेवाः समुदायपाखें झी पुचः तेह्रथुमया संस्थापक नायः भगवानमान श्रेष्ठयात सम्मान याःगु खः । नेपाल लिपी, संस्कार व संस्कृतिया संरक्षण, सम्बर्धन व संस्थागत बिकास यायेगु ज्यालय् अतुलनीय तिव बिइयादिगुलिं श्रेष्ठयात सम्मान याःगु खः ।
लुमंकेबहजु, छुं ई न्ह्यः भगवानमान श्रेष्ठयात जिल्लाया क्रियाशील पुलाम्ह पत्रकार कथं दोसल्ला न्येका सम्मान याःगु खः । श्रेष्ठ वंगु ३० दशक न्ह्यः पत्रकारिता न्ह्यकादीगु खःसा नौलो साप्ताहिक पत्रिकाया प्रकाशन व सम्पादन याना ताः ईतक संचालन यानादीगु खः ।
