सराफी सहकारीया प्रारम्भिक सभा
यें (सन्ध्या टाइम्स) / सराफी बचत तथा ऋण सहकारी संस्थाया प्रारम्भिक साधारण सभा आः नकतिनि संस्थाया तदर्थ समितिया अध्यक्ष विजयलाल डंगोलया सभापतित्वय् क्वचाल ।
जिल्ला डिभिजन सहकारीया अधिकृत कृष्णप्रसाद शर्मां मूपाहांया थासं त्वाःदेवाय् मत च्याकाः उलेज्या यानादीगु सभाय् संस्थाया उपाध्यक्ष कृष्णश्याम श्रेष्ठं लसकुस यानादीगु खःसा सचिव प्रेमरत्न शाक्य व कोषाध्यक्ष ज्ञानमान महर्जनं प्रगति व आयब्यय विवरण न्ह्यब्वयादीगु खः ।
उगु सभां विजयलाल डंगोलया अध्यक्षताय् संस्थाया न्हूगु ज्यासना पुचः नं ल्यःगु दु । अथे हे कृष्णश्याम श्रेष्ठ उपाध्यक्ष प्रेमरत्न शाक्य सचिव ज्ञानुमान डंगोलयात कोषाध्यक्ष ल्यःगु दु ।
अथे हे दुजलय् जनार्दन भडेल श्रेष्ठ राजेन्द्र झा विजयश्री रत्न वज्राचार्य सुरेन्द्ररत्न शाक्य व हेबेन्द्र शाक्यिपं च्वनादीगु दु । लेखा समितिया संयोजकय् नेत्रमान वैद्य च्वनादीगु दुसा दुजलय् सुरजबाबु श्रेष्ठ व मणिश्री रत्न वज्राचार्य च्वनादीगु
दु । निर्वाचित सकसितं निर्वाचन अधिकृत नापं सहकारी डिभिजनया उपेन्द्रकेशर खनालं शपथ ग्रहण याकादीगु खः ।
