प्रधानमन्त्रीविरुद्ध २१७ मुद्दा
प्रधानमन्त्री डा. बाबुराम भट्टराई विरुद्ध दच्छिदुने सर्वोच्व अदालतलय् २१७ रित लाःगु खुलासा जूगु दु । उकि मध्ये ९० प्रतिशत रितया सुनुवाईलय् न्यायालयं प्रम भट्टराईयात प्रारम्भिक दोषी थहर याःगु दु ।
डा. बाबुराम भट्टराईनं ११ भदौ प्रधानमन्त्रीया शपथ कायेधुंकाःनिसें डा. भट्टराईया विरुद्ध मुद्दा तयेगु ज्या न्ह्याःगु खः । दक्कले अप्वः न्यायालयया सामना याइम्ह प्रधानमन्त्रीया कथं प्रधानमन्त्री डा.बाबुराम भट्टराईं कीर्मिमान कायम याःगु दु ।
प्रधानमन्त्रीयात विपक्षी दयेका तःगु रितय् अधिकांश मुद्दाय् सर्वोच्चं प्रधानमन्त्री भट्टराईयात हे प्रारम्भिक दोषी क्यंगु दु । प्रधानमन्त्री डा. भट्टराईं नेतृत्व याःगु सरकारं याःगु निर्णय कार्यान्वयनय् रोक लगे याःगु दु ।
सर्वोच्चवया तथ्यांक कथं प्रधानमन्त्रीयात विपक्षी दयेकाः भदौलय् १६, असोजय् १९, कात्तिकय् १४, मंसिरय् २६, पुसय् २२, माघय् १९, फागुनय् २४, चैतय् २१, वैशाखय् १७, जेठय् २१ व असारय् १६ रित तःगु खः ।
