प्यघौया लागि चक्का जाम
नेकपा एमालेया भ्रातृ संगठन युवा संघं थौं सथय् ६ बजे निसें १० बजेतक स्वनिगलय् चक्काजाम यात ।चक्काजामया कारणं स्वनिगःया स्वंगुलिं जिल्लाय् यातायात सञ्चालन जुइमफुत ।
वर्तमान सरकारया राजीनामा माग यानाः युवा संघ आन्दोलनय् कुहांवःगु खः । नागरिकया समस्या समाधान व राजनीतिक सहमति जुटे यायेत सरकार उदासिन जूगु धकाः संघं थुगु बन्द याःगु खः ।
बन्द झ्वलय् मिनभवनय् बा २ ख ५३ ५२ नम्बरया बस, सातदोबाटोय् बा १ ख ९६ ३८ नम्बरया बस व बा १२ ख ६८ ७० नम्बरया ट्रिपर व गैरीगामय् बा १ ज १७ ०९ नम्वर ट्याक्सीइ आन्दोलनकारीतय्सं तोडफोड याःगु दु ।
चक्काजामया कारणं सुथया स्कूल कलेज नं ठप्प प्रायः जूगु दु ।
