पेट्रोलियम अन्वेषणया निंति निगु कम्पनीनापं सम्झौता
नेपाल सरकारं पेट्रोलियम पदार्थ अन्वेषणया ज्या न्ह्यकेगु जूगु दु । देय्या थीथी झिंथाय् भौगोलिक अध्ययन याना पेट्रोलियम पदार्थ दूगु निष्कर्ष पिथने धुंकाः सरकारं अन्वेषण ज्या न्ह्याकेगु निर्णय याःगु खः ।
थीथी थासें पेट्रोलियम पदार्थ दूगु ठोस प्रमाण दयेधुंकाः अन्वेषणया नितिं निगू अन्तर्राष्ट्रिय कम्पनी नापं सम्झौता जूगु दु । अन्वेषण यायेत अमेरिकी कम्पनी बिबी च्याम्पियन व संयुक्त अरब इमिरेट्सया इएबिजी कम्पनी नापं सम्झौता जूगु खँ परियोजनाया नायः राजेन्द्र प्रसाद खनालं धाःगु दु । सम्झौता कथं जनकपुर व राजविराज ब्लकलय् इएबिजी व विराटनगर ब्लकलय् बिबी च्याम्पियनं अन्वेषण यायेगु सम्झौता जूगु दु । प्यदं दुने निगू कम्पनीं तेल, प्राकृतिक ग्यास नापं पेट्रोलियम पदार्थ दुगु मदुगु निष्कर्ष पिथने ।
प्रारम्भिक अन्वेषणलय् सरकारया लगानी दइमखु व व्यावसायिक उत्पादन जुइगु निश्चित जुइधुंकाः हाःन सम्बन्धित कम्पनी नापं सम्झौता जुइगु व सरकारी लगानी बारे स्पष्ट किटान जुइ ।
