सीमापाखे १८ दलया पुचः
यें (सन्ध्या टाइम्स) / भारतं नेपाःया दांगय् याःगु सीमा अतिक्रमणया अध्ययन यायेत थौं झिंच्यागू दलया छगू अध्ययन पुचः उखे वनेत्यंगु दु । राष्ट्रिय हित संरक्षण समितिया अध्यक्ष अमिक शेरचनाया नेतृत्वय् वनीगु पुचलं अनया सीमाय् निरीक्षण यायेगु लिसें स्थानीय जनतायाके न्यनेकने याइगु खँ धाःगु दु । उकुन्हु च्वंगु झिंच्यागू दलया बैठकं भारतं यानाच्वंगु अतिक्रमण स्वः वनेगु निर्णय याःगु खः ।
उखे भारतं धाःसा थःपिंसं नेपाःया सीमा अतिक्रमण यानागु मदु धासें थुकिं नेपाः भारत स्वापू स्यंकेगु ज्या जक याइगु खँ धाःगु दु ।
