भुखाय् ब्वयाः छम्ह सित
सुदुरपश्चिमया थी थी जिल्लाय् शनिवाः भुखाचया महसूस याःगु दु । दार्चुला सदरमुकामया उत्तर पश्चिम भारत व नेपाःया सीमा लिक्क लाःगु भारतया साब्लायात केन्द्रबिन्दु दयेकाः भुखाय् ब्वःगु सुर्खेतं न्ह्यथंगु दु ।
५ रेक्टर स्केलया भुखाय् लिपा ११:३७ मिनेटय् ४ रेक्टर स्केल व ११:४१ मिनेटय् निक्वः धक्का महसूस याःगु जिल्ला प्रहरी ज्याकूया प्रमुख प्रहरी नायव उपरीक्षक देव बहादुर बोगटीं जानकारी बियादीगु दु ।
भुखाचं यानाः डाँडाय् च्वंगु ल्वहंत कुतुंवःगु खःसा ल्वहं कुतुंवयाः दार्चुला ब्रम्हदेव गाविस ३ या पीन्यादँ दुम्ह किडी कार्की घटनास्थलय् सीगु दु । अथेहे भुखाय्या कारणं वैतडीया कोटपेटरा गाविस ३ या स्थानीय लालबहादुर धामीया निखा छेँ दुंगु नं धाःगु दु ।
