विभाग कायेत नं तानातान
यें (सन्ध्या टाइम्स) / सरकार दुने मन्त्रालय इनेगु खँय् जक मखु पार्टी दुने थीथी विभाग इनेगु खँय् नं एमालेय् विवाद पिहां वःगु दु । सूत्रतय्सं बिउगु जानकारी कथं एमालेया थीथी विभागत मध्यय् दकलय् महत्वपूर्ण धयातःगु निगू विभाग बारे झलनाथ गुट व ओली गुट दथुइ तानातान जुयाच्वंगु दु ।
सूत्रतय्सं बिउगु जानकारी कथं झलनाथ गुटं पार्टीया संगठन विभागय् वामदेव गौतम व पार्टी स्कूल विभागय् अशोक राईयात हयेत स्वयाच्वंगु दुसा माधव-केपी गुटं संगठन विभागय् विष्णु पौडेल व पार्टी स्कूल विभागय् स्वयम केपी ओली हे हयेत स्वयाच्वंगु दु । मेमेगु विभागया खँय् विवाद मदुसां थ्व निगुली धाःसा तानातान जुयाच्वंगु खँ धाःगु दु ।
थ्व बारे सहलह यायेत थौं सुथय् च्वंगु एमाले स्थायी समितिया बैठक छुं हे निर्णय मयासे क्वचाःगु दु ।
