मलपोखरीइ सुकुम्बासी मतइगु जुल
स्थानीयबासी व विपक्षी दलया तसकं विरोध जुइवं येँया थापाथली च्वंगु बागमती खुसि सिथय् च्वंिपं सुकुम्बासीतय्त यलया सुन्दरीघाटय् च्वंगु मलपोखरीइ तयेगु क्वःछिनापाखें सरकार लिचिउगु दु ।
प्रधानमन्त्री ज्याकू िसंहदरवारय् जूगु सहलहस उगु क्वःछिना लित कायेगु सहमति जूगु खः ।
सरकारं सुन्दरीघाटय् सुकुम्बासी तयेगु क्वःछिइवं एमाले नेता रघुजी पन्त व नेकपा माओवादीया नेतृ पम्फा भुसाल लिसेंया नेतृत्वय् सूर्यमान महर्जनया संयोजकत्वय् मलपोखरी संरक्षण समिति नीस्वनाः आन्दोलन न्ह्याकूगु खः ।
मलपोखरी दयेकेगु धासें २०३२ सालय् अधिग्रहण याःगु जग्गाय् सुकुम्बासीत तयेमजिउगु धासें संघर्ष समिितं आइतवाः व सोमवाः यल बन्द याःगु खः । सरकारं उगु थासय् सुकुम्बासीत तयेगु धकाः अस्थायी टहरा तकं दयेकेधुंकूगु खः । उकिया लागि सरकारं १२ गू लख तका खर्च जुइधुंकूगु शहरी विकास नापं भवन निर्माण विभागं न्ह्यथंगु दु ।
काठमाण्डौं उपत्यका विकास प्राधिकरणया आयुक्त केशव स्थापितं स्थानीयवासीतय्सं विरोध याःगु व सुन्दरीघाटय् सुकुम्बासी तयेगु क्वःछिना नं पाय्छि खनेमदुगुिलं सरकारं उगु क्वःछिना लितकाःगु धयादिल । सुकुम्बासीतय्त गन तयेगु क्वःछिउगु मदुनिसां बैकल्पिक थाय्या लागि मालेगु ज्या जुयाच्वंगु नं आयुक्त स्थापितं जानकारी बियादिल ।
सुन्दरीघाटय् सुकुम्बासी तयेगु क्वःछी न्ह्यः चोभाःया हिमाल सिमेन्ट कारखानाया जग्गाय् तयेगु क्वःछिउगु खःसा अनया स्थानीयबासीतय्सं तसकं विरोध यायेवं अन मतःगु खः ।
