नेवाः देय् दबूया खुक्वःगु तःमुँज्या असोजय्

नेवाःतय् राष्ट्रिय संगठन नेवाः देय् दबूया खुक्वःगु तःमुँज्या थ्वहे वइगु असोज ६, ७ व ८ गते यायेगु क्वःछिउगु दु । संचवाः च्वंगु देय् दबूया केन्द्रीय कमिटीया मुँज्यां थ्वहे असोजय् खुक्वःगु तःमुँज्या यायेगु क्वःछिउगु खः । तःमुँज्याया तिथि क्वःछिउसां थाय् धाःसा अझ क्वःमछिउनी । मुँज्याय् येँ व हटौंडाय् तःमुँज्या यायेगु धइगु प्रस्ताव वःसां उकीया बारे निर्णय मजूनीगु खँ धाःगु दु । तःमुँज्याय् देय् दबूया न्हूगु नेतृत्व ल्ययेगु ज्या जुइ ।