पासा पुचः गुथि यूकेया न्हूधाः
वंगु संचवाः बेलायतया लण्डनय् पासा पुचः गुथि यूकेया झिक्वःगु दँमुँज्या व न्हूधाः जुल । उगु ज्याझ्वः गुथिया संस्थापक दुजःपिं अमृतरत्न स्थापित, अर्जुन प्रधान, बालमुकुन्द प्रसाद जोशी, शशी मानन्धर, वर्ल्ड नेवाः अर्गनाइजेशनया नायः डा. बालगोपाल श्रेष्ठ लगायतया उपस्थितिइ सम्पन्न जूगु खः ।
ज्याझ्वलय् गुथिया नायः डा. सचेतन तुलाधरं लसकुस न्वचुलिसे लसकुस यानादीगु खःसा गुथिया छ्याञ्जे ओजेश सिह गुथिया प्रगति विवरण न्ह्यब्वयादीगु खः । वयां लिपा नायः डा. तुलाधरजुं गुथिया चुनौति व महत्व बारे न्ववानादीगु खः ।
ज्याझ्वःया अन्तय् डा. बालगोपाल श्रेष्ठ व विजय वज्राचार्य दुथ्याःगु निर्वाचन पुचलं क्वय् न्ह्यथना कथंया दुजः दुगु ज्यासना पुचःया ल्यज्या जूगु खः ।
नायः - बालमुकुन्द प्रसाद जोशी
न्वकू - ओजेश सिंह
न्वकू - मनिषा डंगोल श्रेष्ठ
छ्याञ्जे - संयुक्त श्रेष्ठ
ल्यूछ्याञ्जे - त्रिवेणी गुरुङ
दांभरिं - मेनका श्रेष्ठ
कासा छ्याञ्जे - सुरेश वैद्य
संस्कृति छ्याञ्जे - सुरेश श्रेष्ठ
दुजः - टिना ताम्राकार
गुथिं डा. डेविड गेल्नरयालिसें डा. बालगोपाल श्रेष्ठयात नं सल्लाहकारया रुपय् ल्यःगु दु । न्हूगु ज्यासना पुचःयात अन्तय् गुथिया संस्थापक दुजःपि अमृतरत्न स्थापित, अर्जुन प्रधान, व शशि मानन्धरपिन्सं भिंतुना बियादिल ।
(किपा - विजय वज्राचार्य)
