क्षतिपूर्ति माग यासें थौं महाराजगंजय् प्रदर्शन
यें (सन्ध्या टाइम्स) / वंगु छुं न्हिं न्ह्यः चाबहिली बसया ठक्करं सीपं निम्हेसित क्षतिपूर्ति बीगु माग यासें थौं महाराजगाज लागाय् सीपिनि छेँजःपिंसं प्रदर्शन यानाच्वंगु दु । उमिसं सीपिनि छेँजःयात क्षतिपूर्ति बीमाःगु व ठक्कर नकूगु बसया चालकयात कारवाही यायेमाःगु माग यासें अन प्रदर्शन याःगु खः । वंगु छुं न्हि न्ह्यः चाबहीया गोपीकृष्ण हल न्ह्यःने बा। २ च ११२ नम्बरया बसं बा। ३ प ७०३७ नम्बरया मोटरसाइकलयात ठक्कर नकेवं मोटरसाइकलय् च्वनावःपिं सन्तोष राई व सुशील श्रेष्ठ सीगु खः ।
