पूर्ण बजेट हे वइगु : प्रधानमन्त्री
प्रधानमन्त्री डा. बाबुराम भट्टराईं पूर्ण बजेट हे वइगु धयादीगु दु ।
प्रतिपक्षीतय्गु विरोधया बाबजुद नं प्रधानमन्त्री डा. भट्टराईं पूर्ण बजेट वइगु धयादीगु खः ।
बजेटया विषयस थी थी दलया नेतातलिसे नापलायेगु झ्वलय् आइतवाः नेपाल मजदुर किसान पार्टीया नायः नारायण मान विजुक्छेयात नापलायेत वय्कःया हे छेँ ख्वप थ्यंकादीम्ह प्रधानमन्त्री डा. भट्टराईं न्हूगु आर्थिक वर्षया लागि सरकारं पूर्ण बजेट हयेगु तयारी यानाच्वंगु धयादिल । वय्कलं उकिया लागि ग्वाहालि यायेत नं इनाप यानादीगु दु ।
लिसलय् नायः बिजुक्छें वर्तमान अवस्थाय् सहमति मदयेकं बजेट हयेमफइगु जूगुिलं पूर्ण बजेट हयेगु लागि दक्व दलतलिसे सहलह यानाः सहमति यायेत इनाप यानादिल ।
सरकारं एकतर्फि ढंगं बजेट हःसा दलत दथुइ दयाच्वंगु स्वापू झन स्यनावनीगु नं नायः विजुक्छें धयादीगु दु ।
थः सहमतिया लागि दलतलिसें सहलह यानाच्वनागु धयादिसें प्रधानमन्त्री डा. भट्टराईं बजेट मवःसा देश हे ठप्प जुइगु जूगुिलं सकलसिगु सहमतीइ बजेट हयेगु कुतलय् सरकार न्ह्यज्यानाच्वंगु धयादिल ।
