सहमतिइ हे बजेट वइ : प्रचण्ड
एकीकृत नेकपा माओवादीया नायः पुष्पकमल दाहाल प्रचण्डं सहमती हे बजेट वइगु धयादीगु दु ।
राष्ट्रपति डा. रामवरण यादवलिसे आइतवाः सुथय् राष्ट्रपति भवन शीतल निवासय् नापलायेगु झ्वलय् नायः प्रचण्डं पूर्ण आकारया वा आंशिक जूसां नं सहमतिइ हे बजेट वइगु जानकारी बियादिल ।
नापं वय्कलं बजेटया विषयस नेपाली कांग्रेस, नेकपा एमालेलिसें प्रतिपक्षी दलतलिसे सहलह जुयाच्वंगु व वय्कःिपं नं बजेट हयेगु विषयस सकारात्मक जूगु कारणं सहमतिइ हे बजेट वइगु धयादिल । नापलायेगु झ्वलय् राष्ट्रपति डा. यादवं संविधानसभा विघटनया नापनापं संसद नं मदुगु अवस्थाय् सहमतिइ हे बजेट हयेमाःगु खँय् बः बियादिल ।
अथेहे दलत दथुइ छ्वासुया वनाच्वंगु स्वापू िभंकूसें देशयात निकास बीमाःगु नापं अबरुद्ध जुयाच्वंगु संविधान च्वयेगु प्रकृयाया विषयस नं सहमति मालेत तःधंगु दलया हैसियतं माओवादीं कुतः यायेमाःगु खँय् बः बियादीगु द सीदुगु दु ।
