सरकारं निन्हु दुने पूर्णता काइगु : प्रधानमन्त्री

प्रधानमन्त्री माधवकुमार नेपालं सरकारं निन्हु दुने पूर्णता काइगु खँ धयादीगु दु ।

सोमवाः रौतहट-काठमाडौं सम्पर्क मंचं येँय् याःगु ज्याझ्वलय् न्ववानादिसें नीनिगू दल नाप सहलह यायेमागुलिं सरकार गठन जुइत बिस्तार जूगु धासें आः निन्हुया दुने हे सरकारं पूर्णता काइगु धयादिल । वयेकलं न्हापाः न्हय्गु दलया सरकारं पूर्णता कायेत झिंन्ह्यन्हु काःगु धासें आःला झन नीनिगू दल नाप सहलह यायेमाःगुलिं थुकीयात मेगू कथं मकायेत इनाप यानादिल ।

ज्याझ्वलय् प्रधानमन्त्री नेपालं थम्ह सरकारया १०० न्हिया दुने यायेगु ज्या व सरकारया प्रथमिकता तयार यायेधुंकूगु धासें वहे कथं थम्हं ज्या यायेगु धयादिल ।