मलेसियाया एयर एसिया एक्सं नेपालय् उडान न्ह्याकल
मलेसियाया अन्तर्राष्ट्रिय वायुसेवा कम्पनी एयर एसिया एक्स मंगलवाः निसें क्वालालम्पुर काठमाण्डौं उडान न्ह्याकूगु दु । आःयात मंगलवाः व बिहिवाः यानाः वाःया निन्हु जक उडान यायेगु व छुं ई लिपा प्यन्हु व लिपा न्हि छगू उडान यायेत्यगु खँ कम्पनीं धाःगु दु ।
एयर एसियां ३७७ यात्रु क्षमताया एयरबस ए३३०-३०० जहाजं नेपाल उडान याइ । थुइके ३६५ इकोनोमी क्लास व १२ प्रिमियम क्लास सिट फ्याना तःगु दु । एयर एसियां ११ हजारलय् एकतर्फी व २० हजारलय् दुईतर्फा उडान याइ । एकतर्फी भाडा दर अप्वःलय् १७ हजार तक थ्यनेफु । थुइके कर समावेश याना तःगु मदु ।
सन् २००७ लय् नीस्वगु थ्व एयर एसिया एक्सं चार घन्टा सिवें अप्वः तप्यंक उडान यायेफुगु वायुसेवा खः । नेपालं क्वालालम्पुर एकतर्फी चार घन्टा १५ मिनेट निसें साढे चार घन्टा उडान दूरीइ दु ।
सन् २००९, २०१० व २०११ दँय् लगातार दंकः उडान यानाः विश्वया हे उत्कृष्ट वायुसेवा अवार्ड कायेत ताः लाःगु संस्था खः । नापं थुगसी पाय्छि इलय् उडान यानाः वायुसेवा अवार्ड कायेधुंकूगु दु । एयर एसिया एक्सया ९२.७ प्रतिशत उडान क्वछिना तःगु इलय् उडान जुयाच्वगु दु ।
