एमाले नेता नेपालयात हङकङय् हाकूगु ध्वाँय्
नेकपा (एमाले)या वरिष्ठ नेता माधव कुमार नेपालयात आइतवाः हङकङय् हाकूगु ध्वाँय् क्यगुं दु । याउमातेय् च्वंगु छगू चर्चया हललय् नेता नेपाल मूपाहाँ जुयाः ब्वति काःगु एमालेया ज्याझ्वलय् हङकङया स्थानिय नेपाःमितय्सं हाकूगु ध्वयाः क्यनाः विरोध याःगु खः । नेता नेपाल संविधानसभा नापं पहिचान सहितया संघीयता विरोधी जूगु धासें विरोध याःगु खः । संघीयता विरोधितत्व मुर्दावाद, एकल जातिय पहिचान सहितया संघिय राज्य जिन्दावाद, नेपाली आदिवासी जनजातित छप्पँ जुइ धकाः नारा थ्वयेकाः हङकङया स्थानीय नेपाःमितय्सं हाकूगु ध्वाँय् क्यंगु खः । प्रर्दशनकर्तातय्सं एमाले व नेपाली काँग्रस एकल जातिय पहिचान संघीयताया विरोधय् दुगुलिं हे संविधानसभा विघटन जूगु खँ धयादिगु दु । ज्याझ्वलय् पहिचान विरोधीत जनजाति विरोधी जूगु धासें आक्रोशित जूगु खः ।
