माओवादीं एमालेया भ्वँतया ज्याकूथी तोडफोड
म्हिग माओवादी ज्याकूगु तोडफोड याःगु विरोध यानाच्वंपिं माओवादी कार्यकर्तातय्सं भ्वँतय् च्वंगु एमालेया ज्याकूथी तोडफोड यानाब्यूगु दु ।
आइतवाः माओवादीं आव्हान याःगु ताम्सालिङ बन्दया झ्लवय् भ्वँतय् स्थानीयबासितय्सं माओवादीया ज्याकूथी तोडफोड याःगु खः । माओवादीं थ्व बन्द असफल यायेत एमालें थःगु कार्यकर्ता छय्गु द्वपं ब्यूगु दु ।
एमालेया ज्याकू तोडफोड यानाच्वंपिं माओवादी कार्यकर्तातय्त नियन्त्रणय् कायेगु झ्वलय् निम्ह प्रहरी घाःपाः जूगु दु । माओवादी व प्रहरी दथुइ अन झडप जुइवं प्रहरी हवल्दार सर्जबहादुर महरा घाःपाः जूगु खः । घाःपाः जुम्ह महरायात भ्वँतया शिर मेमोरियल अस्पतालय् वासः याकाःतःगु दु । अथेहे, अन्चल सशस्त्र प्रहरी गुल्मय् कार्यरत अन्जय सिंह व एमालेया कार्यकर्ता सुजन मगर नं घा:पा: जूगु दु ।
आः अन स्थिति थप तनावपूर्ण जुइमबीत ब्यापक प्रहरी परिचालन याःगु दु ।
