पूर्ण बजेट हयेगु लागि लँपु चाल
कामचलाउ सरकारं पूर्ण बजेट हयेगु तयारी यानाच्वंगु धासें सर्वोच्च अदालतय् तःगु रीटय् अन्तरिम आदेश बीम्वाःगु ठहर याःगु दु ।
अधिवक्ता राजेश सिलवालं दायर याःगु रीटयात कयाः आइतवाः न्यायधिसद्वय दामोदर प्रसाद शर्मा व रामकुमार शाहया मंकाः इजलासं अन्तरिम आदेश बीम्वाःगु ठहर याःगु खः ।
अधिबक्ता सिलवालं राजनीतिक सहमति मजुइकं काम चलाउ सरकारं पूवंक बजेट हयेगु तयारी याःगु धासें सवोच्च अदालतय् उकियात पनेगु लागि अन्तरिम आदेश जारी यायेत माग यासें रीट दायर याःगु खः ।
थुगु फैसला लिपा सरकारयात पूवंक बजेट हयेगु लागि कानूनी लँपु चाःगु सर्वोच्च अदालतया सह प्रबक्ता हेमन्त रावलं जानकारी बियादीगु दु ।
प्रमुख प्रतिपक्षी दलत नेपाली कांग्रेस-नेकपा एमाले लिसें नीन्हय्गू दलतय्सं धाःसा राष्ट्रिय सहमति मजुइकं हइगु बजेट थःपिन्त मान्य मजुइगु नापं अध्यादेश जारी मयायेत राष्ट्रपतियात इनाप यानावयाच्वंगु खः ।
