मतया भाः २० प्रतिशतं थकाल
सरकारं वइगु साउन महिना निसें लागू जुइ कथं विद्युतय् २० प्रतिशत भाः थकागु दु । २०५८ साल लिपा न्हापांगु खुसिइ भाः थकायेगु निर्णय विद्युत महसुल निर्धारण अयोगं याःगु खः । विद्युतया भाः अप्वयेकेवं विद्युत प्राधिकरण्या वार्षिक घाटा ४ अर्बं म्हो जुइगु अनुमान याःगु दु ।
न्हूगु भाः कथं २० युनिट तक खपत याइपिंसं प्रति युनिट रू. ४/-, २१ निसें ५० युनिट तक रू. ७.३०/-, ५१ निसें १५० युनिटया रू. ८.६०/-, १५१ निसें २५० तक रू. ९.५०/- व २५० स्वयां अप्व खपत याइपिंसं प्रति युनिट रू. ११/- पुले मालीगु व्यवस्था याःगु दु ।
