एमालें संघीयताया माग त्वःति : नेपाल
नेकपा (एमाले)या नेता प्रदीप नेपालं थःगु पार्टीं संघीयताया माग त्वःतिगु खँ धयादीगु दु ।
बिहीवाः येँय् जूगु छगू साक्षात्कार ज्याझ्वलय् नेता नेपालं झीगु देशय् संघीयता आवश्यक मजूगु धयादिसें थुकीं देय्यात बारबाद याइगु धयादिल । एमालेयात संघीयताया माग पाखें ल्यूने यंकेत थःम्ह पार्टी दुने उगु प्रस्ताव यंकीगु न्ह्यथनादिल ।
देशं संघीयता छुं नं हालतं धाने यायेमफइगु धयादिसें एमालें न्ह्यथंगु न्हय्गू प्रदेशया प्रस्ताव प्रति नं असहमति प्वंकादिल । वय्कलं न्हय्गू लाः छु न्यागू प्रदेश धाने यायेत तकं देय्यात थाकुइगु दावी यानादिल ।
