शान्ति प्रकृयाय् ग्वहालि यायेत प्रधानमन्त्री पाखें व्यापारीतय्त इनाप

प्रधानमन्त्री माधवकुमार नेपालं शान्ति प्रकृया व संविधान निर्माण यायेगु ज्या ईलय् हे क्वचायेकेत ग्वहालि यायेत व्यापारीतय्त इनाप यानादीगु दु ।

आइतवाः नेपाल घरेलु तथा साना उद्योग महासंघया झिंच्याक्वःगु महाधिवेशनया उल्लेज्या यायेगु झ्वलय् प्रधानमन्त्री नेपालं थ्व इनाप यानादीगु दु । वयेकलं सरकारया प्रमुख प्रथमिकता धइगु शान्ति प्रकृयायात तार्किक निष्कर्षय् थ्यंकेगु, संविधान निर्माण ईलय् हे यायेगु व जनताया अधारभुत मागत पुवंकेगु जूगुलिं थुकी दक्व व्यापारीतय्सं नं ग्वहालि यायेमाःगु बीचाः प्वंकादीगु खः ।

निन्हु तक न्ह्याईगु महाधिवेशन न्हूगु नेतृत्व ल्यया कन्ह्य क्वचाइ ।