बुंगद्यःया प्वाकलं आइतवाः क्यनीगु

नेपाःया दक्कलय् ताःहाःगु साँस्कृतिक नखः कथं हनावयाच्वंगु बुंगद्यःया रथ जात्राया झ्वलय् आईतवाः बुंगद्यःया प्वाकलं क्यनीगु जूगु दु ।

वर्षा व सहकालया द्यः कथं हनावयाच्वंम्ह बुंगद्यःया प्वाकलं राष्ट्रपति डा. रामवरण यादवया उपस्थितिइ क्यनीगु जूगु दु । उगु प्वाकलं सनिलया थ्यंमथ्यं न्याताः इलय् क्यनीगु यलया गुथि संस्थानया प्रमुख लेखनाथ सापकोटां जानकारी बियादीगु दु । प्वाकलं क्यनेगु नितिं माःकथंया तयारी जुइधुंकूगु यल उपमहानगरपालिकां न्ह्यथंगु दु ।

थ्वहे झ्वलय् प्वाकलं क्यनीगु दिन आइतवाः स्वनिगलय् सार्वजनिक विदा बीगु जूगु दु । गृह मन्त्रालयया प्रबक्ता शंकर कोइरालां बुंगद्यःया प्वाकलं क्यनीगु दिनस स्वनिगलय् सार्वजनिक बिदा बीगु क्वःजिउगु जानकारी बियादीगु दु ।