एमालेया नेता राजेन्द्र श्रेष्ठं न्हुगु पार्टी नीस्वनेगु ख्याच्व
नेकपा (एमाले)या केन्द्रीय दुजः राजेन्द्र श्रेष्ठं एमालेया न्हय्गु प्रदेशया प्रस्ताव आदीवासी जनजातिया भावना अःख जूगु धासें तत्काल भिंकेगु ज्या मयात धासाः न्हुगु पार्टी नीस्वनेगु ख्याच्व बियादिगु दु ।
शनिवाः येँय् जूगु छगू साक्षात्कार ज्याझ्वलय् न्ववानादिसें नेता श्रेष्ठं न्हूगु पार्टी नीस्वनेगु तयारी जुयाच्वगु खँ कनादील । नीस्वनेगु पार्टी जातीय जक धाःसा मजुइ खँ प्रष्ट यानादिल ।
अथेहे श्रेष्ठं बहुपहिचानया आधारित एमालेया न्हय्गु प्रदेशया संघीयता आदिवासी जनजाति व मधेसीतय्त मान्य मजूगु खँ कनादिल । नापं आदिवासी जनजाति व मधेसीतय्गु भावना अःख एमाले पार्टी वन धाःसा एमाले पार्टी च्वने फइ मखुगु खँ स्पष्ट यानादिल । श्रेष्ठं एमालेया निंतिं जक थः बूगु मखु धयादिसें एमालें निष्काशन याःसा थः आङकाजी जुइत तयार दु धायादिगल ।
उगु ज्याझ्वलय् न्ववाःगु झ्वलय् सदभावना पार्टीया सहअध्यक्ष लक्ष्मणलाल कर्णं एकल पहिचान दुथ्यागु संघीयताय् सहमति जुल धाःसा प्रधानमन्त्रीं राजिनामा बिइगु धयादिसें थ्व धुकां सहमतिया सरकारया नेतृत्व कांग्रेसयात बिइत मधेसी मोर्चा तयार दुगु खँ कनादिल । सहमति मजुतलय् छुं नं हालतय् प्रधानमन्त्रीया राजीनामा मबिइगु खँ नं कर्णं स्पष्ट यानादिल ।
