आः जनताया दथुइ वनेत नं समस्या : देउवा

नेपाली कांग्रेसया नेता शेरबहादुर देउवां आः जनता दथुइ वनेत नं ज्यामछिंगु परिस्थिति वःगु धयादिल ।

येँय् लोकतान्त्रिक गैरसरकारी संस्था महासंघया राष्ट्रिय भेलाय् न्ववासें नेता देउवां जनताया म्याण्डेट कथं संविधानसभापाखें संविधान निर्माण यायेतमफुगुलिं जनता दथुइ वनेत ज्यामछिंगु अवस्था वःगु धयादिल ।

वय्कलं संविधान निर्माण बिना हे संबिधानसभा बिघटन जुइगु धइगु मछालाःपुस्से च्वंगु जूगु खँ कुलादिल । न्हूगु निर्वाचनया पलेसा दलत दथुइ न्हूगु सहमति यानाः देय्यात न्हूगु निकाश बीमाःगु वय्कःया धापू खः ।