बुंगद्यःया रथ जाह्वलाख्यलय् थ्यन

नेपाःया दक्कलय् ताःहाकःगु जात्रा बुंगद्यःया रथ जात्रा विहिवाः यलया थति त्वालं सालाः हयाः जाह्वलाख्यलय् थ्यंकूगु दु । वर्षा व सहकालया द्यःकथं हनातःम्ह बुंगद्यःया रथ विहिवाः थतित्वालं कुमारीपाटी मानभवन जुयाः जाह्वलाख्यलय् थ्यंकाः क्वचायेकूगु खः । विहिवाः रथजात्रा क्वचायेवं वइगु आइतवाः बुंगद्यःया प्वाकलं राष्ट्रप्रमुखया उपस्थितिइ क्यनेगु ज्या जुइ । उगु दिनस स्वनिगलय् जक सार्वजनिक बिदा बीगु चलन दु ।

बुंगद्यःया प्वाकलं क्यनेधुंकाः द्यः बुंगय् यंकीगु खःसा मीननाथ टंगलय् यंकाः तये यंकि । बुंगद्यः बुंगय् यंकेधुंकाः प्यन्हुलिपा बिचाः वनेगु चलन दु । द्यः खुला बुंगय् तयेधुंकाः हाकनं यलया मच्छिन्द्रबहालय् हयाः तयेहइगु खः ।

वंगु बैशाख १० गते पुच्वय् च्वंगु रथय् विराजमान याकाः न्ह्याःगु रथ जात्रा आइतवाः क्वचाइ ।