अमेरिकां नेपालया नितिं राजदूतलय् बोडेया नां अनुमोदान
अमेरिकया सिनेटं बुधकाः नेपालया नितिं न्हुम्ह राजदूतलय् पिटर विलियम बोडेया नां अनुमोदन याःगु दु । बोडेया नां छु न्ह्य अमेरिकी राष्ट्रपति बाराक ओबां सिपारिस याःगु खः ।नेपालय् ज्या यानावयाच्वंम्ह राजदूत स्कट एच डिलिसीयात ओबामां युगान्डाया नितिं सिफारिस यायेधुंकाः बोडेया नां अनुमोदन याःगु खः ।
थःहु कन्हे इराकया संक्रमणकालीन मिसन नायः बोडे अमेरिकी परराष्ट्र सेवाया वरिष्ठ कुटनीतिज्ञ नं खः । बोडेयाके नेपालया अमेरिकी दूतावासलय् ज्या यायेगु अनुभव दु । बोडे सन् १९८१ लय् अमेरिकी परराष्ट्र सेवालय् दुथ्यागु खः । बोडें गुयना, नेपाल, जर्मनी, बुल्गेरिया, डेनमार्क, भारत, पाकिस्तान नापं थीथी मिसनलय् ज्या यायेधुंकगु दु ।
