आङकाजी शेर्पा एमालेपाखें निष्काशित
नेपाल आदिवासी जनजाति महासंघया महासचिव नापं एमाले सोलुखुम्बु जिल्ला कमिटीया उपसचिव आङकाजी शेर्पायात एमालें पार्टीपाखें निष्काशन याःगु दु ।
एमाले मूज्याकू बल्खुइ शनिवाः च्वंगु पार्टी स्थायी समितिया मुँज्यां शेर्पां पार्टीया नीति व निर्णय अःख ज्या याःगु धासें निष्काशन याःगु खः । माओवादीं येँय् याःगु जनसभाय् सम्बोधन याःगु कन्हय् कुन्हु एमालें पार्टी निर्णय अःख ज्या याःगु धासें कारवाही याःगु खः ।
शेर्पायात निष्काशन यायेवं एमाले दुनेया जनजाति नेतात आक्रोशित जूगु दु । पार्टीं याःगु कारवाही जनजाति नेतात प्रति पुर्वाग्रही ढंगं जूगु द्वपं इमिसं बिउगु दु ।
