देय् हाकूगु धलः दुथ्याइगु सम्भावना
नेपाल सरकारं कालोधन, अपराध नियन्त्रण, व सम्पत्ति शुद्विकरण विषयस स्वगू कानुन अध्यादेश हयेत राजनीतिक दलया मू मू नेतानापं सहमतिया नितिं बैठक सतिगु जुगू दु । थ्व प्यनू दुने थ्व अध्यादेश सरकारं पिथने मफुसा देय् हाकूसूचीलय् सुचीकृत जुइ ।
जुन १८ लय् इटलीलय् जुइगू फाइनान्सिय टास्क फोर्सलया बैठक न्ह्य थ्व कानुन दयेके मफुसां नेपाल अन्तराष्ट्रिय समुदायया कालोसूचीलय् दुथ्याइगु निश्चित जुगुलिइ सहमतिलय् हयेत बैठक ग्वसाः ग्वये त्यनागु खँ अर्थमन्त्री वर्षमान पुनं कनादिगु दु । संसदलय् पेश जुगू स्वगू कानुन पारित जुइमफया देय् कालोसूचीलय् दुथ्याइगु खतरा ब्वलना वयाच्वंगु जुया अध्यादेश मार्फत थ्व कानुन हयेत वाध्यात्मक ई वगू खः । संगठित अपराध विरुद्व, सुपुर्दगी व आपसि सहयोग सम्वन्धि कानुनया विधेयक संसदलय् यनेगु ज्या जुसां पारित जुइ मफुनि । थ्व कानुन अध्यादेश मार्फत हयेत राष्ट्र बैंकया वित्तीय जानकारी ईकाईं प्रधानमन्त्री व अर्थमन्त्रीनापं इनाप यायेधुंकगु दु । वंगु फ्रेब्रुअरीलय् पेरिसलय् च्वंगु टाक्सफोर्सया बैठकलय् अर्थमन्त्री वर्षमान पुनं संसदं कानुन पारित यायेगु प्रतिवद्वता पौ छ्वयेधुंकाः नेपाल कालोसूचीलय् दुथ्यातं ज्वःगे जुगू खः ।
नेपाल कालोसूचीलय् दुथ्यात धासा अन्तराष्ट्रिय संस्थां नेपालया बैक खाता, प्रतितपत्र तक ख्वःले मयागु अवस्था वइ । थुकिया लिच्वं विदेशी सहायता कम जुइ । विदेशलय् जुगू एकाउन्ट तक फ्रिज जुइ ।
