'मिस ज्यापु'या ट्यालेष्ट शो थौं क्वचाल

नासः मण्डलया ग्वसालय् न्ह्याना च्वंगु 'मिस ज्यापु २०१२'या झ्वलय् थौं ट्यालेण्ट शो क्वचाःगु दु । यट्खा बहालय् जूगु थुगु ट्यालेण्ट शोलय् ३४म्हं ब्वतिकाःमिपिंसं थीथी हुला प्याखँ, धिमे, भ्वाइलन, मादल थायेगु लिसें थीथी धून थानादीगु खःसा ज्यापु जातिया बारे न्वचू नं न्हयब्वयादीगु खः ।

ज्याझ्वलय् लोकंह्वाःपिं पवित्र कसाः, गोविन्द 'ह्यूमत', रिता महर्जन आदि कलाकारपिंसं थःथःगु म्ये न्ह्यब्वयादीगु खः ।

लुमंकेबहःजू थुगु 'मिस ज्यापु'या अनलाईन भोटिङ्ग नेपालमण्डल डटकम लगअन याना यायेगु खःसा थुगु भोटिङ्गपाखें 'बेष्ट भ्यूअर्स'या सिरपाः त्याकीगु खः । थुकीया बिजंकासा थ्वहेवइगु तछलागा त्रयोदशी (17th June 2012) आइतवाखुन्हु प्रज्ञाभवनया दबुलिइ जुइगु खः ।