'चितवन सभापतिया कमजोरीया हुनिं पौडेलया हत्या'

चितवनय् तरुण दलया तत्कालिन अध्यक्ष शिव पौडेलया हत्याय् जिल्ला सभापति विकास कोइराला दोषी जुगू निष्कर्ष कांग्रेसं पिकाःगु दु । मंगलवाः पार्टी ज्याकू सानेपाय् च्वंगु केन्द्रीय कार्यसमिति मुँज्याय् चितवन सभापति कोइरालाया कमजोरीया हुनिं पौडेलया हत्या जुगू निष्कर्ष पिकाःगु खँ केन्द्रीय सदस्य दीपक गिरीं कनादिल । महामन्त्री कृष्णप्रसाद सिटौलाया संयोजकत्वय् दयेकूगु आन्तरीक छानविन समितिया प्रतिवेदनया आधारं कोइरालायात दोषी ठहर याःगु गिरीं धायादिल । कोइराला याके स्पष्टिकरण कायेगु निर्णय जुगू व चित्त बुझे जूगु लिसः मवसा कोइरालायात निलम्बन तक यायेगु कथं कारवाही जुइफुगु खँ नं वय्कलं कनादि ।